Наурыз мерекесіне құттықтау видеосын жасатқыңыз келе ме? Dańsaı Studios — Алматыдағы режиссер Бағлан Төлебайдың студиясы. Компанияға, мектепке, балабақшаға не отбасыңызға ЖИ (ИИ) арқылы ұлттық нақыштағы ролик не мультфильм жасап, қазақша не орысша дыбыстаймыз. Бағасы 250 000 ₸-ден.
- 250 000 ₸-ден 30 секундтық ролик
- 16:9 және 9:16 экранға да, Instagram-ға да
- Қазақ тілінде орысша нұсқасы да болады
- Келісімшартпен баға мен мерзім бекітіледі

WhatsApp-қа «Наурызға видео керек» деп жазсаңыз жеткілікті, қалғанын бірге талқылаймыз. Сіз кімді құттықтайтыныңызды және видеоны қайда көрсететініңізді айтасыз, ал сценарий, кадрлар, дауыс, музыка мен монтажды өзіміз жасаймыз. Бүкіл жұмыс онлайн жүреді, сондықтан Наурыз құттықтау видеосына Қазақстанның кез келген қаласынан тапсырыс бере аласыз. Төменде жұмыстарымыз, бағасы, жұмыс барысы және бізге қашан жазған дұрыс екені жазылған.
Наурызға арналған видео түрлері
- Компанияның құттықтауы. Клиенттер мен қызметкерлерге арналған ролик: әлеуметтік желіге, WhatsApp арқылы жіберуге не мерекелік кештегі экранға. Логотип пен басшының тілегін соңына бөлек кадр етіп қоймаймыз, оларды оқиғаның ішіне енгіземіз.
- Мектеп пен балабақшаға мультфильм. Көктем мен Наурыз туралы қысқа мультфильм: киіз үй, алтыбақан, наурыз көже. Ата-аналары келіссе, топтағы не сыныптағы балаларды фотолары бойынша салып, мультфильм кейіпкері етеміз.
- Туыстарыңызға құттықтау. Ауылдағы әжеңізге не Наурызды басқа елде қарсы алатын туыстарыңызға арналған видео: отбасыңыз дастарқан басында, жылы тілектер және қазақша дауыс.
- Instagram мен WhatsApp-қа ролик. Статус пен Reels-ке арналған тік, 9:16 форматтағы қысқа құттықтау. Жазылушыларын мерекемен құттықтағысы келетін дүкенге, кафеге не блогерге ыңғайлы.
Бұл домбыраның үніне қойылған киіз үй суреттері емес. Видеоның сценарийі бар: негізгі ойы, бірнеше сахнасы және есте қалатын соңы болады.
Біздің жұмыстарымыз
Төмендегі видеолар YouTube арнамыздағы студиямыздың өз жобалары, оларды тапсырыспен емес, өз бастамамызбен жасадық. Олардан кадрлардың, кейіпкерлер мен дыбыстаудың деңгейін көресіз.

«Қонаев» фильмінің ресми трейлері
Дінмұхамед Қонаевтың өмірі мен жолы туралы тарихи фильмнің трейлері, ұзақтығы 3:51. Түсірілім тобы жоқ, бәрі жасанды интеллектпен жасалған, YouTube-та 60 мыңнан астам қаралым жинады.

«Түлкі мен Арыстан» қазақша мультфильмі
Студиямыздың қазақ ертегісі бойынша жасаған AI-мультфильмі, ұзақтығы 2:56. Балабақшаға арналған Наурыз мультфильмін де осындай стильде жасауға болады.

Ер Төстік: жалмауыз кемпірмен айқас
Қазақ мифологиясына негізделген «Ер Төстік» ойын жобамыздың трейлері, ұзақтығы 2:32.
Мектеп пен балабақшаға Наурыз мультфильмі

Балаларға мерекенің мәнін ертегі арқылы түсіндіру оңай. Мультфильмде ауылдағы мерекені көрсетуге болады: киіз үй тігіледі, наурыз көже піседі, балалар алтыбақан тебеді. Ал кейіпкерлері тобыңыздағы не сыныбыңыздағы балалар болады.
Ертеңгілікте не концертте мультфильм залдағы экранда көрсетіледі, сондықтан оны көлденең, 16:9 форматында береміз. Балаларды фотолары бойынша салсақ, фотоларды тек ата-аналарының келісімімен аламыз және рұқсатсыз жарияламаймыз.
Ұлттық нақыш: киіз үй, ою-өрнек, домбыра

Киіз үй, ою-өрнек, алтыбақан, домбыра, наурыз көже — бәрі әдемі. Бірақ бір роликке бәрін бірден салсақ, артық болып кетеді. Сондықтан көбіне бір-екі бейнені алып, оқиғаны соның айналасына құрамыз. Мысалға, немересі әжесіне алғаш рет наурыз көже пісіруге көмектеседі немесе компания қызметкерлері бір дастарқан басына жиналады.
Ұлттық киім мен ою-өрнекті бөлек тексереміз: жасанды интеллект көбіне «жалпы шығыс костюмін» салып жібереді, ал бізге шапанның, камзолдың, сәукеленің қазақтікі екені бірден көрінуі керек. Мұндай кадрларды режиссер өзі іріктейді.
Наурызға видеоның бағасы
Бағасы ең алдымен видеоның ұзақтығына байланысты. Әлеуметтік желіге не WhatsApp-қа көбіне 30 секундтық ролик жетеді, ал мерекелік кеште не ертеңгілікте экраннан көрсетуге 1 минутқа дейінгі ролик не қысқа фильм жарасады.
| Видеоның ұзақтығы | Бағасы | Дайын болу мерзімі |
|---|---|---|
| 30 секундқа дейін | 250 000 – 350 000 ₸ | 1–2 апта |
| 1 минутқа дейін | 350 000 – 500 000 ₸ | 2–3 апта |
| 1–3 минуттық фильм | 500 000 – 700 000 ₸ | 3–5 апта |
Бағаға тағы мыналар әсер етеді:
- Диктордың дауысы: +50 000 ₸. Мысалға, диктордың дауысы бар 30 секундтық ролик 300 000 – 400 000 ₸ тұрады.
- Кейіпкерлер сөйлесе (lipsync): бағасы 20 %-ға өседі.
- Instagram мен WhatsApp-қа арналған екінші, тік нұсқасы: +10 %. Мысалға, екі форматтағы 1 минуттық ролик 400 000 – 550 000 ₸ тұрады.
- Екінші тілдегі нұсқасы, мысалға, қазақша және орысша: +15 %.
Өз нұсқаңыздың бағасын осы жерде есептей аласыз: ұзақтығын, стилін және дауысын таңдаңыз. Баға өтінімге өзі қосылады, ал біз WhatsApp арқылы хабарласамыз.
| Видеоның ұзақтығы | Бағасы | Дайын болу мерзімі |
|---|---|---|
| 30 секундқа дейін | 250 000 – 350 000 ₸ | 1–2 апта |
| 1 минутқа дейін | 350 000 – 500 000 ₸ | 2–3 апта |
| 1–3 минут | 500 000 – 700 000 ₸ | 3–5 апта |
| 3 минуттан ұзақ | 1 000 000 ₸-ден | Мерзімін жеке келісеміз |
- 3D анимация: бағасы шамамен 1,6 есе жоғары.
- Диктордың дауысы: +50 000 ₸. Кейіпкерлер сөйлесе (lipsync): бағасы 20 %-ға өседі.
- Тік нұсқасы: +10 %, екінші тілдегі нұсқасы: +15 %.
Бұл — алдын ала есеп. Нақты бағасын брифтен кейін келісімшартта (договорда) бекітеміз.
Жұмыс барысы: қадам-қадаммен

- WhatsApp. Бізге жазып, кімді құттықтайтыныңызды, видеоны қайда көрсететініңізді және қай күнге керек екенін айтасыз. Біз бағасы мен мерзімін айтамыз.
- Тапсырма. Компанияңыз, сыныбыңыз не отбасыңыз туралы айтып, логотипті не фотоларды жібересіз. Дауыстық хабарлама да жарайды.
- Сценарий. Сценарийді жазып, кадрларға кіріспес бұрын сізге көрсетеміз.
- Алғашқы нұсқа. Роликті музыка мен дауыспен жинап, ватермаркі бар нұсқасын жібереміз.
- Түзетулер. Келісімшартта бекітілген түзетулер санына қарай керек жерін түзетеміз.
- Дайын видео. Толық төлем жасалған соң, ватермаркі жоқ дайын файлды береміз.
Төлем Kaspi арқылы жүргізіледі. Бағасын, мерзімін және түзетулер санын жұмысты бастамай тұрып келісімшартта (договорда) бекітеміз.
Сізден не керек
- Компанияға. Логотип, фирмалық түстер, құттықтау кімге арналғаны (клиенттерге ме, қызметкерлерге ме) және не айтқыңыз келетіні. Роликте қызметкерлер болса, олардың фотосы мен келісімі керек.
- Мектеп пен балабақшаға. Топтың не сыныптың аты, балалардың жасы және мультфильмді қайда көрсететініңіз. Балалардың фотосын тек ата-аналары келіссе ғана жіберіңіз.
- Отбасыңызға. Әр кейіпкердің беті анық көрінетін 3–5 фотосы, есімдері және бір-екі жылы оқиға. Фотоны файл (құжат) ретінде жіберіңіз, әйтпесе WhatsApp суреттің сапасын төмендетеді.
- Видеоны қашан және қайда көрсетесіз. Залдағы экранда, Instagram-да не WhatsApp-та.
Мерзімі: бізге қашан жазған дұрыс
30 секундқа дейінгі роликті 1–2 аптада, 1 минутқа дейінгісін 2–3 аптада, ал 1–3 минуттық фильмді 3–5 аптада жасаймыз. Компаниялар Наурызға арналған роликті көбіне ақпанда, наурыз айына арналған басқа контентпен бірге жоспарлайды. Логотип, фото мен сценарий бойынша жауаптарыңыз кешіксе, мерзім де жылжиды.
Видео форматы: залдағы экран және Instagram

Корпоративтегі, концерттегі не ертеңгіліктегі экранға видеоны көлденең, 16:9 форматында жасаймыз, ал Instagram, Reels пен WhatsApp статусына тік, 9:16 формат керек. Бір формат бағаға кіреді, екінші форматтағы нұсқасы +10 %.
Мереке алдында видеоны көрсетілетін экранда бір рет қосып көріңіз, ал дайын файлды флешкаға да, телефонға да сақтап қойыңыз.
Тілі мен музыкасы
Диктордың дауысы мен титрлерді қазақша не орысша жасаймыз. Қазақша сценарийді аудармай, бірден қазақша жазамыз, сондықтан құттықтау табиғи естіледі. Екі тілдегі нұсқасы керек болса, оны да жасаймыз.
Музыканы видеоның көңіл күйіне қарай өзіміз таңдаймыз, мысалға, домбыра күйін не сөзі жоқ көктемгі әуенді. Белгілі бір әнді қойғыңыз келсе, алдын ала айтыңыз, ақылдасамыз.
Студияны «Қонаев» пен «Түлкі мен Арыстан» фильмдерінің авторы, «Қазақфильм» резиденті, режиссер Бағлан Төлебай басқарады. Әр видеоны режиссер басқарады, ал жасанды интеллект оның тапсырмасын орындайды.
Видеоны өзіңіз жасағыңыз келсе

Ашықхатты не қысқа құттықтауды Dansai AI Studio платформасында өзіңіз де жасай аласыз. Онда дайын «Наурыз құтты болсын» үлгісі бар: өзіңіздің не отбасыңыздың фотосын қосып, кімге арналғанын жазасыз, ал платформа отбасыңызды ұлттық киіммен киіз үйдің алдында көрсететін ашықхат жасайды. Дайын суретті бір батырмамен видеоға айналдыруға болады. Пакеттер 1 990 ₸-ден басталады, Kaspi QR арқылы бір рет төлейсіз, подписка жоқ. Қадам-қадаммен фотодан видео жасау мақаласында көрсеттік.
Жиі қойылатын сұрақтар
Наурызға видео тапсырыс беру қанша тұрады?
30 секундқа дейінгі ролик 250 000 ₸-ден басталады. 1 минутқа дейінгі ролик 350 000 – 500 000 ₸, ал 1–3 минуттық фильм 500 000 – 700 000 ₸ тұрады. Нақты бағасын WhatsApp-та сөйлескен соң айтып, келісімшартта (договорда) бекітеміз.
Наурызға арналған роликке қашан тапсырыс берген дұрыс?
Компаниялар мұндай роликті көбіне ақпанда жоспарлайды. 30 секундқа дейінгі ролик 1–2 аптада, ал 1–3 минуттық фильм 3–5 аптада дайын болады. Мерекеге аз уақыт қалса да, бізге жаза беріңіз: үлгеретін-үлгермейтінімізді және қандай форматта жасауға болатынын ашық айтамыз.
Балабақшаға Наурыз мультфильмін жасатуға бола ма?
Иә, болады. Мультфильмде киіз үй, алтыбақан, наурыз көже сияқты мереке белгілерін көрсетеміз. Топтағы балаларды кейіпкер етсек, фотоларын тек ата-аналарының келісімімен аламыз және рұқсатсыз жарияламаймыз. Бағасы басқа видеолар сияқты 250 000 ₸-ден басталады.
Роликке компанияның логотипін қоюға бола ма?
Иә. Логотип пен фирмалық түстерді оқиғаның ішіне енгіземіз, ал роликтің соңына сайтыңызды не компанияның байланыс деректерін қоюға болады.
Видео қазақ тілінде бола ма?
Иә, диктордың дауысы мен титрлерді қазақша не орысша жасаймыз, қазақша сценарийді бірден қазақша жазамыз. Екінші тілдегі нұсқасы бағаға 15 % қосады: мысалға, екі тілдегі 30 секундтық ролик 300 000 – 400 000 ₸ тұрады.
Видеоны қандай форматта бересіздер?
Залдағы экранға көлденең 16:9, ал Instagram мен WhatsApp-қа тік 9:16 формат керек. Бір формат бағаға кіреді, екінші форматтағы нұсқасы бағаға 10 % қосады.
Төлемді қалай жасаймын, видеоны түзетуге бола ма?
Төлем Kaspi арқылы, келісімшартпен (договормен) жүргізіледі. Алдымен сценарийді, содан кейін ватермаркі бар алғашқы нұсқаны көрсетеміз, ал сіз нені өзгерту керегін айтасыз. Бағасы, мерзімі мен түзетулер саны келісімшартта жазылады, ал ватермаркі жоқ дайын файлды толық төлем жасалған соң береміз.
Наурыз ашықхатын өзім жасай аламын ба?
Иә. Dansai AI Studio платформасында дайын «Наурыз құтты болсын» үлгісі бар: фотоңызды қосып, кімге арналғанын жазасыз. Пакеттер 1 990 ₸-ден басталады, Kaspi QR арқылы бір рет төлейсіз.
Тағы оқыңыз
- Түлектерге видео тапсырыс беру: сынып туралы фильм, мультфильм және соңғы қоңырауға ролик
- Туған күнге видео тапсырыс беру: әйеліңізге, күйеуіңізге, анаңызға
- Компанияға промо ролик: қалай жасалады және бағасы қанша?
- Жасанды интеллект арқылы мультфильм жасау: сүйікті ертегіңізді өзіңіз жандандырыңыз
- Фильм, Love Story, мерейтойға видео — бәрін біз жасап береміз!